Мэты і задачы ўстановы адукацыі
Мэта адукацыі
Мэта дзейнасці сада - забеспячэнне рознабаковага развіцця асобы дзіцяці ранняга і дашкольнага ўзросту ў адпаведнасці з яго ўзроставымі і індывідуальнымі магчымасцямі, здольнасцямі і патрэбнасцямі, фарміраванне ў яго маральных нормаў, садзейнічанне набыццю ім сацыяльнага вопыту.
Задачы адукацыі:
забеспячэнне дашкольнай адукацыі выхаванцам у адпаведнасці з адукацыйнымі стандартамі дашкольнай адукацыі;
далучэнне выхаванцаў да агульначалавечых і нацыянальных каштоўнасцей;
выяўленне і развіццё індывідуальных схільнасцей і інтэлектуальна-творчага патэнцыялу выхаванцаў;
забеспячэнне пераемнасці дашкольнай і першай ступені агульнай сярэдняй адукацыі;
фарміраванне культуры сямейных адносін, каштоўнасных адносін да сям'і;
аказанне карэкцыйна-педагагічнай дапамогі выхаванцам з асаблівасцямі псіхафізічнага развіцця;
ахова здароўя выхаванцаў, фармаванне асноў здаровага ладу жыцця.
Установа адукацыі ў адпаведнасці з заканадаўствам Рэспублікі Беларусь ажыццяўляе наступныя функцыі:
· рэалізацыю адукацыйных праграм дашкольнай адукацыі, спецыяльнай адукацыі на ўзроўні дашкольнай адукацыі, спецыяльнай адукацыі на ўзроўні дашкольнай адукацыі для асоб з інтэлектуальнай недастатковасцю, праграмы выхавання і абароны правоў і законных інтарэсаў дзяцей, якія знаходзяцца у сацыяльна небяспечным становішчы;
· стварэнне ўмоў для выхавання, навучання і развіцця дзяцей ранняга і дашкольнага ўзросту, іх сацыялізацыі;
· стварэнне ўмоў для фарміравання асноў патрыятызму і нацыянальнай самасвядомасці, далучэння да агульначалавечых каштоўнасцяў;
· стварэнне бяспечных умоў пры арганізацыі адукацыйнага працэсу;
· ахову здароўя выхаванцаў, абарону іх правоў;
· стварэнне ўмоў для паўнавартаснага фізічнага развіцця выхаванцаў на аснове прывіцця навыкаў здаровага ладу жыцця;
· забеспячэнне сацыяльна-педагагічнай падтрымкі выхаванцаў і аказанне ім псіхалагічнай дапамогі;
· забеспячэнне магчымасці своечасовага і паўнавартаснага пераходу на наступную прыступку адукацыі;
· стварэнне ўмоў для павышэння кваліфікацыі і праявы творчай ініцыятывы педагагічных работнікаў;
· стварэнне ўмоў для забеспячэння якасці адукацыйных паслуг, у тым ліку на платнай аснове.