Буккросінг – гэта сацыяльны рух кнігалюбаў, сэнс і дэвіз якога просты: прачытаў кнігу – перадай яе іншаму.

Мэта правядзення Міжнароднага дня буккросінгу ў дзіцячым садку і школе - таксама простая: прыцягненне дзяцей, бацькоў, калег да чытання кніг і сяброўскага абмену імі.

Няма ні межаў, ні адлегласцяў, калі кніга - твой верны сябар!

Букросінг крочыць па планеце - удзельнічаюць і дарослыя, і дзеці!!!

Буккросінг па-руску можна назваць як «кнігаварот». А Сусветны дзень буккросінгу - гэта свята абмену і дарэння кніг.

Ёсць розныя разнавіднасці буккросінгу. Нараўне са звычайным "падарыць" ці "даць пачытаць", гэта таксама абмен кнігамі пры дапамозе спецыяльных месцаў - зон буккросінгу (паліц і шаф у памяшканнях і на вуліцы, пунктаў абмену ў парках і арт-аб'ектаў).

Гаспадары кніг часта ўвогуле не перасякаюцца паміж сабой. Кніжкі выстаўляюцца ў грамадскіх кніжных шафах, на паліцах кавярні і крам – чытач выбірае там тое, што яго найбольш цікавіць, а ўзамен пакідае прынесеную з сабой, ужо прачытаную кнігу. Але за рухам кніг на буккросінг-паліцах, вядома ж, не сочаць - туды прыносяць кнігі, не беручы наўзамен нічога, альбо, наадварот, бяруць пачытаць і вяртаюць, не змяняючыся.

Буккросінг становіцца ўсё папулярнейшым – не толькі ў сталіцах і буйных гарадах-мільённіках, але і ў населеных пунктах паменш. Кнігаварот ператварыўся ў займальную і карысную гульню, якая дорыць кнігам другое (і трэцяе) жыццё.

А таксама папулярызуе чытанне - безумоўна, адно з самых лепшых заняткаў у свеце для ўсіх дзяцей і дарослых.